ഇഞ്ചോടിച്ച് പോരാട്ടം നടന്ന സീസണിലെ വിന്നറെ മോഹൻലാല്‍ പ്രഖ്യാപിച്ചു. നാടകീയ നിമിഷങ്ങള്‍ക്കൊടുവിൽ അവസാന നിമിഷം നിര്‍ണായകമായ വോട്ടുകള്‍ മാറിമറിഞ്ഞപ്പോൾ അനുമോൾ സീസൺ 7 വിജയിയാവുകയായിരുന്നു.
സീസണ്‍ നാലിലെ ദിൽഷ പ്രസന്നന് ശേഷം ബിഗ് ബോസിന് വീണ്ടും ഒരു വനിതാ വിജയി. അനീഷ് റണ്ണറപ്പായി. അനുമോള്‍, അനീഷ്, ഷാനവാസ്, നെവിൻ, അക്ബര്‍ എന്നിവരായിരുന്നു ഇത്തവണത്തെ ഫൈനല്‍ ടോപ് ഫൈവില്‍ എത്തിയത്.
ഇവരില്‍ അക്ബർ ആദ്യം പുറത്തായി. തുടര്‍ന്ന് യഥാക്രമം നെവിൻ, ഷാനവാസ്, എന്നിവരും പുറത്തായി. താൻ അവസാന രണ്ടിൽ ഉണ്ടാകുമെന്ന് പ്രതീക്ഷിച്ചിരുന്നതായും എവിക്ഷൻ ഞെട്ടിച്ചെന്നും ഷാനവാസ പറഞ്ഞു. ഇതേ വികാരമായിരുന്നു പ്രേക്ഷകർക്കും.
