ദുബായ് : എമിറേറ്റ്സ് കോട്ടക്കൽ വെൽഫെയർ അസോസിയേഷൻ (ഇഖ്‌വ) യുടെ
ആഭിമുഖ്യത്തിൽ അബുദാബി യിലെ പ്രധാന ടൂറിസ്ററ് കേന്ദ്രങ്ങളിലേക്ക് ഏക ദിന
സ്നേഹ സന്ദേശ യാത്ര സംഘടിപ്പിച്ചു.
അബുദാബി മവാസം വിസ്തൃത പ്രദേശത്തു പുതുതായി നിർമിക്കപ്പെട്ട പ്രകൃതി രമണീയമായി ശീതീകരിച്ച "ഗ്രീൻ ഹൌസ് ഓർഗാനിക് പാർക്ക്" കുട്ടികളും കുടുംബിനികളുമടങ്ങിയ സന്ദർശക സംഘത്തിലെ മുഴുവനാളുകൾക്കും വിസ്മയമായി. നാട്ടിലെ കായ് കനികളും, ഫല വൃക്ഷങ്ങളും നേരിട്ട് ആസ്വദിക്കാനായത് ഗൃഹാതുരത്വം നൽകി .
തുടർന്ന് മുസഫയിലും, യു എ ഇ യിലെ അഭിമാന സ്തംഭമായ അബുദാബി ഷെയ്ഖ് സായിദ് ഗ്രാൻഡ് മോസ്‌കിലും, അബുദാബി ഹെറിറ്റേജ് മ്യുസിയത്തിലും സന്ദർശനം നടത്തി.
അബുദാബി കൊട്ടാരവും, മറീനയും സമീപ പ്രദേശങ്ങളും സന്ദർശിച്ച ശേഷം , ഫാമിലി പാർക്കിൽ "ബാർബിഖ്യു" വിരുന്നിനു ശേഷം സ്നേഹ വിളംബരത്തോടെ യാത്ര ദുബായിൽ അവസാനിപ്പിച്ചു.
ഷമീൽ പി സി, ഷാഫി ഡി എ , സകരിയ, സിറാജ് സി പി, ഫസൽ പി, നവാസ് , മുസ്തഫ യു ടി, മുറാദ് ഷിറാസ് , സാജിദ്.പി, ഷുഹൈബ്, സമദ്, മുബാഷ് , അബൂബക്കർ തുടങ്ങിയവർ നേതൃത്വം നൽകി.
