പെണ്ണയനങ്ങളുടെ ഭൂപടങ്ങൾ പ്രകാശനം ചെയ്തു.

Ramesh Perumpilavu

ദുബായ് : കാഫ് ദുബായിയുടെ നേതൃത്വത്തിൽ സമാഹരിച്ച പെണ്ണയനങ്ങളുടെ ഭൂപടങ്ങൾ എന്ന പുസ്തകം പ്രകാശനം ചെയ്തു. മോഹൻ ശ്രീധരന്റെ അധ്യക്ഷതയിൽ നടന്ന ചടങ്ങിൽ കവിയും മാധ്യമപ്രവർത്തകനുമായ കൂഴൂർ വിൽസൺ പരിപാടി ഉദ്ഘാടനം ചെയ്തു.

പ്രവാസത്തിൽ ഇന്നുവരെയും പൂർണമായി മനസ്സിലാക്കപ്പെടാത്തതാണ് പെൺപ്രവാസം എന്നും ഇത്തരം പുസ്തകങ്ങൾ മലയാളികൾക്ക് പ്രവാസ
സ്ത്രീജീവിതത്തിൻ്റെ വ്യത്യസ്തമായ അവസ്ഥകളെയാണ് തുറന്നു വയ്ക്കുന്നതെന്നും അദ്ദേഹം തൻ്റെ മാദ്ധ്യമപ്രവർത്തനാനുഭവങ്ങളിലൂടെ ചൂണ്ടിക്കാട്ടി.

പ്രവാസലോകത്തെ സാധാരണ ജീവിതത്തിൻ്റെ ഭാഗമായ മിനി കുട്ടപ്പൻ, മോളി സിറിളിനു നൽകിയാണ് പ്രകാശനം നിർവഹിച്ചത്. ഡോ: ഹസീന ബീഗം പുസ്തകപരിചയം നടത്തി. പുസ്തക നിർമ്മിതിയുടെ സാഹചര്യത്തെക്കുറിച്ച് കെ ഗോപിനാഥനും ഇത്തരമൊരു പുസ്തകം ലോകമലയാളികളുടെ വ്യത്യസ്ത ജീവിതങ്ങളെയാണ് തുറന്നുവയ്ക്കുന്നതെന്ന് എഡിറ്റർ രമേഷ് പെരുമ്പിലാവും പറഞ്ഞു. തുടർന്ന് പുസ്തക ത്തിലെ എഴുത്തുകാരികളായ സോണിയ റഫീഖ്, റസീന ഹൈദർ , റസീന കെ പി എന്നിവർ ആശംസ പ്രസംഗം നടത്തി.

പ്രഥമ വിൽപ്പന സി പി അനിൽ കുമാർ പ്രവീൺ പാലക്കീലിന് നൽകി നിർവഹിച്ചു. പുസ്തകം പ്രകാശനം ചെയ്ത മിനി കുട്ടപ്പന് കാഫിന്റെ ഉപഹാരങ്ങൾ ലൗലി നിസാറും മോളി സിറിളിന് ലേഖാ ജസ്റ്റിനും നൽകി.

കാഫിന്റെ സജീവ പ്രവർത്തകനായ കെ ഗോപിനാഥന്റെ ഔദ്യോഗിക ജീവിതം അവസാനിച്ചതിന്റെ ഭാഗമായുള്ള യാത്രയയപ്പ് ഉപഹാരം അദ്ദേഹത്തിൻ്റെ പത്നി ജലജ ടീച്ചറുടെ സാന്നിദ്ധ്യത്തിൽ കാഫ് പ്രവർത്തകർ നൽകി ആദരിച്ചു.

റസീന കെ പി സ്വാഗതവും ഉഷാ ഷിനോജ് നന്ദിയും പറഞ്ഞു. ഗൂസ്ബെറി ബുക്സ് പ്രസ്ദ്ധീകരിച്ച പെണ്ണയനങ്ങളുടെ ഭൂപടങ്ങൾ ഷാർജ പുസ്തകമേളയിലെ ഗൂസ്ബെറിയുടെ സ്റ്റാളിൽ ലഭ്യമായിരിക്കുമെന്ന് കാഫ് ദുബായ് അറിയിച്ചു.