ഷാർജ: 29ന് നവംബർ 2025ന്, സമദർശിനിയുടെ MC അംഗമായ ശ്രീ. മുബാറക്ക് ഇമ്പാർക്ക് ന് 35 വർഷത്തെ പ്രവാസ ജീവിതം അവസാനിപ്പിച്ചു നാട്ടിലേക്ക് തിരിച്ചു പോകുന്നതിന്റെ ഭാഗമായി, ഷാർജ ഇന്ത്യൻ അസോസിയേഷനിൽ വെച്ചു നടന്ന ചടങ്ങിൽ മെമെന്റോ നൽകി ആദരിച്ചു.
സമദർശിനി ആക്റ്റിങ് പ്രസിഡന്റ് പോൾസൺ, ജനറൽ സെക്രട്ടറി വിനോദ് രാമചന്ദ്രൻ, ജോയിന്റ് സെക്രട്ടറി സാദിക്ക് അലി, IAS മാനേജ്മെന്റ് കമ്മിറ്റി അംഗമായ അബൂബക്കർ, സമദർശിനി മാനേജിങ് കമ്മിറ്റി അംഗങ്ങളായ സി.എ.ബാബു, സേവിയർ, അമർലാൽ, സേവിയർ, രഞ്ചേശ്‌ രാജൻ എന്നിവർ യോഗത്തിൽ പങ്കെടുത്തു.
മുബാറക്കി ന്റെ കലാസാംസ്‌കാരിക സാമൂഹിക രംഗത്തെ ദീർഘകാലത്തെ സേവനത്തെ കുറിച്ചും, സംഘടന പ്രവർത്തനത്തെയും, സമദർശിനിയിൽ അദ്ദേഹത്തിന്റെ 24 ഓളം വർഷത്തെ സ്തുത്യർഹമായ സേവനങ്ങൾക്കും യോഗത്തിൽ പങ്കെടുത്ത എല്ലാവരും വ്യക്തികളും പ്രതേകമായി സ്മരിച്ചു.
നാട്ടിലേക്ക് തിരിച്ചു പോകുന്നതിൽ ഭാഗമായി അനുഭവിക്കുന്ന മനോവേദനയും, സുഹൃത്തുകളെ പിരിഞ്ഞു പോകുന്നതിൽ ഉണ്ടാക്കുന്ന വേദനയും അദ്ദേഹം പ്രസംഗത്തിൽ വികാര ഭരിതമായി പങ്കുവക്കുകയുണ്ടായി.
സമദർശിനിയിൽ അദ്ദേഹത്തിന്റെ ഭാവി ജീവിതത്തിന് ഹൃദയംഗമമായ ആശംസകളും, ആയുരാരോഗ്യ സൗഖ്യവും നേർന്നു കൊള്ളുന്നു.
