ദുബായ്: കലാ സാംസ്‌കാരിക സാമൂഹ്യ ജീവകാരുണ്യ പ്രവർത്തകനായിരുന്ന പരേതനായ നാസർ പരദേശിയുടെ സ്മരണാർത്ഥം ടീ൦ ഈവൻടൈഡ്സ് ഏർപ്പെടുത്തിയ പ്രഥമ "പരദേശി പുരസ്‌കാരം" പ്രശസ്ത മാധ്യമ പ്രവർത്തകനും സാഹിത്യകാരനും നിരൂപകനുമായ നാസർ ബേപ്പൂരിന് സമ്മാനിച്ചു.
ദുബായ് മാംസാറിലുള്ള സയാസി ഫോക്‌ലോർ അക്കാദമിയിൽ വെച്ച് നടന്ന ചടങ്ങിൽ ജമീൽ ലത്തീഫ് അവാർഡ് ദാനം നിർവഹിച്ചു. ദുബായ് ടൂറിസം വകുപ്പ് മുൻ ഡയറക്ടർ ഇബ്രാഹിം യാക്കൂത് മുഖ്യാതിഥിയായി പങ്കെടുത്തു.
ഈവൻടൈഡ്സ് ഡയറക്ടർ യാസിർ ഹമീദ് അധ്യക്ഷനായി. അഡ്വ.മുഹമ്മദ് സാജിദ് സ്വാഗതവും, ബഷീർ തിക്കോടി നന്ദിയും പറഞ്ഞു.
മൂന്ന് പതിറ്റാണ്ടിലേറെ നീണ്ടു നിൽക്കുന്ന സാംസ്‌കാരിക ജീവിതത്തിൽ കലാ രംഗത്ത് നൽകി വരുന്ന ഗവേഷണങ്ങളും സംഭാവനകളും പരിഗണിച്ചാണ് മാധ്യമ പ്രവർത്തകൻ കൂടിയായ നാസർ ബേപ്പൂരിനെ ഈ അവാർഡിന് പരിഗണിച്ചതെന്ന് ഈവൻടൈഡ്സ് ഡയറക്ടർ യാസിർ ഹമീദ് അറിയിച്ചു.
ജമീൽ ലത്തീഫ് അധ്യക്ഷനും ഡോ: ബാബു റഫീഖ്, അഡ്വ: മുഹമ്മദ് സാജിദ് എന്നിവർ
അംഗങ്ങളുമായ ജൂറിയാണ് അവാർഡ് ജേതാവിനെ തെരഞ്ഞെടുത്തത്.
ഫോട്ടോ: 1 ) ടീ൦ ഈവൻടൈഡ്സ് ഏർപ്പെടുത്തിയ പ്രഥമ "പരദേശി പുരസ്‌കാരം" നാസർ ബേപ്പൂരിന് ജമീൽ ലത്തീഫ് നൽകുന്നു.
