ഷാർജ: കേരളത്തിലെ പ്രശസ്തമായ വിദ്യാഭ്യാസ സ്ഥാപനങ്ങളിലൊന്നായ ഗുരുവായൂർ ശ്രീകൃഷ്ണ കോളേജിന്റെ പൂർവ്വ വിദ്യാർത്ഥികളുടെ സംഘടനയായ അലുമിനി അസോസിയേഷൻ ഓഫ് ശ്രീകൃഷ്ണ കോളേജ് (AASK) സംഘടിപ്പിച്ച മെഗാ ഇവന്റ് ‘ഹൃദയത്തിൽ ശ്രീകൃഷ്ണ’ ഷാർജ സഫാരി മാളിൽ വച്ച് ഭംഗിയായി നടന്നു.
ചടങ്ങിന്റെ വിശിഷ്ടാതിഥിയായി ദുബായ് പൊലീസ് മേജർ ജനറൽ ഒമർ അൽ മർസൂക്കി പങ്കെടുത്തു. ചടങ്ങിൽ ഖലീജ് ടൈംസ് മാനേജിംഗ് ഡയറക്ടർ ഐസക്ക് ജോൺ പട്ടാണിപ്പറമ്പ് മാഗസിൻ എഡിറ്റർ ജമാൽ കൂനംമൂച്ചി ചേർന്ന് കോളേജിന്റെ ഓണാഘോഷ സ്മാരക പ്രസിദ്ധീകരണമായ “ഹൃദയത്തിൽ ശ്രീകൃഷ്ണ” മാഗസിൻ പ്രകാശനം നടത്തി.
ഗൾഫിൽ വിവിധ മേഖലകളിൽ പ്രമുഖ വ്യവസായങ്ങൾ നടത്തി വരുന്ന ഫിറോസ് ഖാൻ, അമീർ പണ്ടാരത്തിൽ, സാമൂഹിക പ്രവർത്തകൻ സലാം പാപ്പിനിശ്ശേരി, AASK സ്ഥാപക അംഗം ഷക്കീർ ഹുസൈൻ എന്നിവരെ മേജർ ജനറൽ ഒമർ അൽ മർസൂക്കി, മാനേജിംഗ് ഡയറക്ടർ ഐസക്ക് ജോൺ പട്ടാണിപ്പറമ്പ് , AKCAF പ്രസിഡണ്ട് ചാൾസ് പോൾ തുടങ്ങിയവർ ചടങ്ങിൽ ഉപഹാരങ്ങൾ സമർപ്പിച്ച് ആദരിച്ചു.
അതിഥിയായി ഷാർജ ഇന്ത്യൻ അസോസിയേഷൻ ജനറൽ സെക്രട്ടറി ശ്രീ പ്രകാശ് ചടങ്ങിൽ സന്നിഹിതനായിരുന്നു.
AASK അംഗങ്ങൾ അവതരിപ്പിച്ച വൈവിധ്യമാർന്ന കലാപരിപാടികളും പ്രശസ്ത പിന്നണിഗായകൻ ഇശാൻ ദേവ് അവതരിപ്പിച്ച സംഗീത നിശ പരിപാടിക്ക് പുതുമയും ഉന്മേഷവും നൽകി.
ചടങ്ങിന് അലുമിനി അസോസിയേഷൻ പ്രസിഡണ്ട് കൃഷ്ണകുമാർ അധ്യക്ഷനായി. ജനറൽ സെക്രട്ടറി അഫ്സൽ സ്വാഗതം പറയുകയും, കൺവീനർമാരായ ജയരാജ് തൂവ്വര, സാബു, ഷാഫി അഞ്ചങ്ങാടി എന്നിവരുടെ നേതൃത്വത്തിൽ പരിപാടി സംഘടിപ്പിക്കപ്പെട്ടു. ട്രെഷറർ അജയരാജ് നന്ദിപ്രസംഗം നടത്തി
