ഷാർജ: ‘നമുക്കൊന്നിക്കാം സുരക്ഷിത ബാല്യങ്ങൾക്കായ്’ എന്ന മുദ്രാവാക്യം ഉയർത്തി പിടിച്ചു കൊണ്ട് ഇന്ത്യയിലും ജി സി സി രാജ്യങ്ങളിലും പ്രവർത്തിച്ചു വരുന്ന ബാലാവകാശ എൻ ജി ഒ യുടെ യു. എ. ഇ പതിപ്പിന് തുടക്കം കുറിച്ചു.
ഷാർജ യിൽ നടന്ന രൂപീകരണ യോഗത്തിൽ യുണൈറ്റഡ് സി പി ടി ഫൗണ്ടേഷൻ ഗ്ലോബൽ ചെയർമാൻ മഹമൂദ് പറക്കാട്ട് അധ്യക്ഷത വഹിച്ചു. സംഘടനയുടെ കർമ്മ പദ്ധതികൾ ഗ്ലോബൽ കോർഡിനേറ്റിങ് ഡയറക്ടർ ആർ. ശാന്തകുമാർ അവതരിപ്പിച്ചു.
ചൈൽഡ് വെൽഫയർ കമ്മിറ്റി മുൻ ചെയർമാനും , മുൻ പബ്ലിക് പ്രോസിക്യൂട്ടറുമായ അഡ്വ. മുഹമ്മദ്‌ സാജിദ് ബാല നീതി നിയമത്തെ (ജുവനൈൽ ജസ്റ്റിസ് ആക്ട് ) കുറിച്ച് പ്രഭാഷണം നടത്തി.
പി ആർ ഒ അഞ്ജന സിജു, മുൻ ഭാരവാഹികളായ അനസ് കൊല്ലം, നദീർ ഇബ്രാഹിം, ഗഫൂർ പാലക്കാട്, സുജിത് ചന്ദ്രൻ, മനോജ് ,അൽ നിഷാജ് ശാഹുൽ, ഷിജി അന്ന ജോസഫ് തുടങ്ങിയവർ പ്രസംഗിച്ചു.
ഗ്ലോബൽ എക്സിക്യൂട്ടീവ് നാസർ ഒളകര സ്വാഗതവും മനോജ് കാർത്ത്യാരത്ത് നന്ദിയും പറഞ്ഞു.
ഭാരവാഹികളായി ഗഫൂർ പാലക്കാട് (ചെയർമാൻ ) സുജിത് ചന്ദ്രൻ ( കൺവീനർ ) മനോജ് കാർത്ത്യാരത്ത് ( ട്രഷറർ)
അൽ നിഷാജ് ഷാഹുൽ (കോർഡിനേറ്റർ ) ഷിജി അന്ന ജോസഫ് (വുമൺസ് കോർഡിനേറ്റർ) അനസ് കൊല്ലം
(വൈസ് ചെയർമാൻ ) നദീർ ഇബ്രാഹിം ( ജോയിന്റ് കൺവീനർ ) അബ്ദുൾ സമദ് മാട്ടൂൽ (മീഡിയ കോർഡിനേറ്റർ )
വിവിധ എമിരേറ്റ്സ് പ്രതിനിധികളായി സൂഫി അനസ് (ദുബായ് ) സൂര്യ സുരേന്ദ്ര (ഷാർജ ) ജംഷീർ എടപ്പാൾ (അബുദാബി)
നസീർ ഇബ്രാഹിം (അജ്‌മാൻ ) എന്നിവരെയും പ്രവർത്തക സമിതി അംഗങ്ങളായി അഷ്ഹർ എളേറ്റിൽ, മുഹമ്മദ്‌ ഷഹദ് ,
മെഹബൂബ് കുഞ്ഞാണ, നിഷാദ് ഷാർജ , നാസർ വരിക്കോളി ,ഷബ്ന, ജിയ ഡാനി എന്നിവരെയും തിരഞ്ഞെടുത്തു.
രക്ഷാധികാരികളായി സംഘടനയുടെ എമിറേറ്റ്സിലെ ശിൽപ്പികളിൽ പ്രമുഖരായ ഷഫീൽ കണ്ണൂർ, മുസമ്മിൽ മാട്ടൂൽ, അഡ്വ.മുഹമ്മദ്‌ സാജിദ്, ഹാരിസ് കോസ്മോസ്, ബിജു തിക്കോടി എന്നിവരേയും തിരഞ്ഞെടുത്തു.
യുണൈറ്റഡ് ചൈൽഡ് പ്രൊട്ടക്ഷൻ ടീം ഫൗണ്ടേഷന്റെ ഔദ്യോഗിക വെബ്സൈറ്റ് ഉദ്ഘാടനവും, കുട്ടികൾക്ക് വേണ്ടിയുള്ള പ്രത്യേക പരിപാടികളും ഡിസംബർ മാസം നടത്തുമെന്നും ഭാരവാഹികൾ അറിയിച്ചു.
ഫോട്ടോ: യുണൈറ്റഡ് ചൈൽഡ് പ്രൊട്ടക്ഷൻ ടീം (യു എ ഇ ) ഫൗണ്ടേഷന്റെ ഭാരവാഹികൾ
